“Non se entende que o PP califique de éxito unha taxa de paro do 11%, que eles nos deixaron, fronte ó 8,5% actual”
Xavier Carro afirma que o PP non se preocupou da economía ata que veu nela un filón electoralista
“Grazas aos resultados desta lexislatura poderemos financiar as políticas sociais no futuro”
Ferrol, 21 de febreiro de 2008
O candidato ferrolán Xavier Carro ven de facer hoxe, ante ou comezo dá campaña electoral para as eleccións xerais do 9 de marzo, unhas reflexións sobre un asunto que o Partido Popular puxo estes días na mesa de discusión, pero sobre o que non dixera nada nos catro anos de goberno de Rodríguez Zapatero: a Economía, esa disciplina que din que vai ser o eixo dun goberno baixo o mando de Rajoy.
Para Carro, “por sorte, as cifras desminten todas as teorías e ocorrencias do Partido Popular”. “Fala o PP –dixo Carro– dunha marabillosa herdanza económica, que supostamente deixou o seu goberno en 2004 e que Zapatero malgastaría desde entón. Se esa historia fose certa, o resultado sería evidente: os datos da economía española en 2008, tras catro anos de malgasto por parte dun goberno manirroto, terían que ser necesariamente moito peores que os de 2004. Mais para iso teriamos que dar por bo que un crecemento económico do 2,8%, que foi o que deixou o Goberno do PP no primeiro trimestre de 2004, debía ser considerado como un éxito clamoroso e que un crecemento do 3,8%, que é o que tivo a economía española en 2007, é un fracaso”.
De igual modo, teriamos que asumir que deixar as contas do Estado con 1.600 millóns de euros de déficit foi unha fazaña xigantesca do señor Rato, mentres que os 13.600 millóns de superávit cos que pecha a lexislatura o señor Solbes son unha mostra palmaria de mala xestión.
E o emprego? Estamos desexando que Rajoy explique aos españois –di Xavier Carro– por que era mellor o 11% de taxa de paro, que foi a que eles deixaron, que o 8,5%, que é a que temos agora tras uns meses malos. Onde está o fracaso cando se crearon tres millóns de postos de traballo. Que vantaxes atópalle a ter 17 millóns de persoas ocupadas en lugar de máis de vinte millóns.
Carro citou en concreto o caso do crecemento económico de Ferrol e comarca, que, co apoio do goberno a través do Plan Ferrol, conseguiu que nos últimos anos se creasen na zona 5.000 novos postos de traballo, fronte a unha tendencia nos anos de goberzo de Aznar de destrucción sistemática do emprego na comarca.
A política económica socialista quere crecer máis para repartir mellor, garantindo que todos os cidadáns se beneficien da maior prosperidade do país. Os socialistas apostamos polo crecemento do emprego de calidade e pola incorporación plena da muller ao mercado de traballo, en condicións de igualdade.
A política económica socialista é responsable porque pensa tanto nas xeracións presentes como nas futuras. Foi responsable, transformando sucesivos déficits nas contas públicas en superávits considerables pensou nas pensións do futuro, dotando o Fondo de Reserva da Seguridade Social con cantidades crecentes, situándoo en máximos históricos. “Grazas aos resultados desta lexislatura poderemos financiar as políticas sociais no futuro” –afirmou Xavier Carro.
Suscribirse a:
Enviar comentarios
(
Atom
)
0 comentarios:
Publicar un comentario